2017 оны 08 дугаар сарын сүүлийн 10 хоногийн Цаг агаарын нөхцлийн тойм мэдээ

Сүүлийн 10 хоногт агаарын дундаж температур нийт нутгаар 13,2-18,8 градус дулаан байсныг нь олон жилийн дундажтай харьцуулахад Өлзийт 2,1 градус, Хулд 0,2 градусаар олон жилийн дунджаас дулаан, бусад нутгаар олон жилийн дунджаас -0,1-(-2,8) градусаар хүйтэн байжээ. Агаарт  өдөртөө нийт нутгаар 24 – 30 градус дулаан,  шөнөдөө 1 - 6 градус дулаан байжээ. Агаарт 30 градусаас давж Өлзийт суманд 1 халсан.

Хөрсний гадаргын температур өдөртөө Сайхан-Овоо, Гурвансайхан, Баянжаргалан, Луус, Өлзийт, Өндөршил, Хулд сумдад 50-56 градус, бусад нутгаар 42 - 49 градус дулаан, хөрсөн дээр 40 градусаас дулаан өдрийн тоо нийт нутгаар 1-10 өдөр тохиосон байна. Шөнөдөө  Цагаандэлгар суманд -1 градус, бусад нутгаар 0-5 градус дулаан хоносон.

Тунадасны хувьд нийт нутгаар 0,0 – 12,5 мм хур тунадас орсон. Адаацаг 12,5 мм, Сайхан-Овоо, Эрдэнэдалай, Говь-Угтаал, Дэрэн, Луус, Хулд сумдад 1,4–3,9 мм, бусад нутгаар 0,0–0,8 мм хур тунадас 1-4 өдөр орсон.

Салхины их хурд Мандалговь, Сайхан-Овоо, Цагаандэлгэр, Говь-Угтаал сумдад 20-21 м/сек, бусад нутгаар 10-17 м/секунд хүрч 1 - 9 өдөр 10 м/секундээс их салхитай өдөр ажиглагдсан.

Энэ 10 хоногт хөдөө аж ахуйн үйлдвэрлэлд  малчид отор нүүдэл хийх,  гүү барих, малын угаалага зэрэг ажил  явагдахад цаг агаар тааламжтай байсан. Малын усан хангамж  хүрэлцээтэй. Бэлчээрийн ургамал хазаар залаалалт, цэцэглэлт, крыловын хялгана цэцэглэлт, таана цэцэглэлтийн үе шатанд  ургаж байна, нийт нутгаар хур тунадас орсноор ургалт сэргэж үзүүрээсээ шаралсан гэмтэл багассан, ургамлын өндөр дунджаар 7-24 см, ургамлын ургалтын байдал Цагаандэлгэр, Баянжаргалан, Луус, Өлзийт, Сайхан-Овоогийн баруун зүгээс бусад, Адаацаг сумын баруун зүг, Хулд сумын урд зүгээс бусад сумдад хэвийн буюу нийт нутгийн 60 гаруй хувь нь зушлагатай, бусад нутгаар дунд зэрэг буюу нийт нутгийн 40 орчим хувь байна. Түрүү 10 хоногоос зуншлагын байдал бага зэрэг буурсан.

Тойм бичсэн: ЦУОТХэлтсийн ХААЦУ ахлах техникч     Г.Дашмаа.